Daniel Guichard

Daniel Guichard (1948-yil 21-noyabrda tug‘ilgan) — fransuz qo‘shiqchisi, qo‘shiqlar muallifi va musiqa prodyuseri. U Parijda breton va sharqiy Yevropa oilasida tug‘ilib, Les Halles tumanida ulg‘aygan. O‘smirlik chog‘ida otasi vafot etgach, mahalliy bozorlar va omborlarda ishlagan. Keqasi Monmartr va Sen-Zhermen-des-Pre klublarida Aristide Bruant, Edith Piaf va boshqalarning qo‘shiqlarini ijro etgan. Dastlab Decca studiyasida yozuvlar qilganidan so‘ng, Barclay Records kompaniyasida qadoqlovchi bo‘lib ish boshlagan va 1969-yilda mazkur leybl ostida o‘zining ilk «Où C’est Qu’il Est Barré Gavroche?» nomli plastinasini chiqargan. 1972-yilda Fransiyada Patricia Carli tomonidan Mireille Mathieu uchun yozilgan «La Tendresse» qo‘shig‘i bilan katta muvaffaqiyatga erishgan va o‘sha yili ilk bor Olympia sahnasida chiqish qilgan. 1970-yillarning boshlarida mashhur chanson va ballada ijrochisi sifatida tanilib, 1974-yilda o‘zining eng mashhur «Mon Vieux» qo‘shig‘ini taqdim etgan. Bu qo‘shiq o‘n yil oldin Jean Ferrat tomonidan bastalangan bo‘lib, so‘zlari dastlab Michèle Senlisga tegishli edi, biroq Guichard uni o‘zgartirgan. U 1970–1980-yillarda Fransiyada «Je viens pas te parler d’amour», «Chanson pour Anna» (Anne Frankga bag‘ishlangan) va «Le Gitan» kabi xitlari bilan muvaffaqiyat qozonishda davom etdi. 1975-yilda u o‘zining Kuklos nomli ovoz yozish studiyasini ochib, turli san'atkorlarning ijodini yozib olgan. 1982-yilda Guichard o‘z uyidan turib Radio Bocal nomli litsenziyasiz radiostansiyani tashkil qilgan. Shuningdek, u xayriya maqsadida qator konsertlar uyushtirgan.