Damon Lindelof

Damon Laurence Lindelof (1973-yil 24-aprelda tugʻilgan) — amerikalik ssenariynavis, komiks muallifi va prodyuser. U oʻz faoliyati davomida oʻn ikkita nominatsiyadan uchta Primetime Emmy mukofotini qoʻlga kiritgan. 2010 yilda Time jurnali uni dunyodagi 100 ta eng nufuzli kishidan biri deb eʼlon qilgan. Lindelof tomoshabinlar eʼtirofiga sazovor boʻlgan ABC telekanalining Lost (2004–2010) ilmiy-fantastik dramasi, HBO telekanalining The Leftovers (2014–2017) va Watchmen (2019) kabi mashhur seriallar muallifi va bosh prodyuseri sifatida tanilgan. Shuningdek, u Cowboys & Aliens (2011), Prometheus (2012), Star Trek Into Darkness (2013), World War Z (2013) va Tomorrowland (2015) kabi filmlar ssenariysini yozishda qatnashgan.