Daisy Edgar-Jones

Daisy Jessica Edgar-Jones (1998-yil 24-mayda tugʻilgan) — ingliz aktrisasi. Faoliyatini Cold Feet (2016–2020) va War of the Worlds (2019–2021) seriallari bilan boshlagan. U BBC va Hulu hamkorligidagi Normal People (2020) romantik dramatik mini-serialidagi bosh roli tufayli tanilib, British Academy Television Award va Golden Globe mukofotlariga nomzod boʻlgan. Shuningdek, Fresh (2022) qoʻrqinchli trilleri, Where the Crawdads Sing (2022) detektivi, Twisters (2024) katastrofa filmi va On Swift Horses (2024) romantik dramasida suratga tushgan (oxirgi filmda ijrochi prodyuser sifatida ham qatnashgan). Televidenieda FX on Hulu tarmogʻining Under the Banner of Heaven jinoyat mini-serialida mormonlar tomonidan oʻldirilgan ayol rolini oʻynab, ikkinchi bor Golden Globe mukofotiga nomzod boʻlgan. Teatr sahnasida West End'da Mohsin Hamidning The Reluctant Fundamentalist (2017) va Tennessee Williamsning Cat on a Hot Tin Roof (2024) asarlari sahna koʻrinishlarida rol oʻynagan. 2020-yilda British Vogue jurnalining nufuzli ayollar roʻyxatiga kiritilgan.