Cynthia Nixon

Sintiya Ellen Nikson – amerikalik aktrisa, faol va teatr rejissyori. HBO’ning "Sex and the City" (1998–2004) serialida Miranda Xobbs obrazini gavdalantirgani uchun 2004-yilda "Komediya serialidagi eng yaxshi ikkinchi darajali aktrisa" yo‘nalishida Primetime Emmy mukofotini qo‘lga kiritgan. Ushbu rolni "Sex and the City" (2008), "Sex and the City 2" (2010) filmlarida va "And Just Like That..." (2021-yildan hozirgacha) serialida ham ijro etgan. Shuningdek, "Amadeus" (1984), "James White" (2015) hamda "A Quiet Passion" (2016) filmlaridagi rollari bilan tanilgan. Brodveydagi faoliyatini 1980-yilda boshlagan. 2006-yilda "Rabbit Hole" pyesasi uchun "Eng yaxshi aktrisa" sifatida Toni mukofotiga, 2008-yilda "Law & Order: Special Victims Unit" seriali uchun Primetime Emmy mukofotiga, 2009-yilda "An Inconvenient Truth" uchun Gremmi mukofotiga va 2017-yilda "The Little Foxes" pyesasi uchun Toni mukofotiga sazovor bo‘lgan. U "Warm Springs" (2005) filmida Eleonora Ruzvelt, "Too Big to Fail" (2011) filmida Mishel Devis, "Killing Reagan" (2016) filmida Nensi Reygan rollarini ijro etgan. 2020-yilda Netflix’ning "Ratched" dramasida suratga tushgan.