Cynthia Koh

Sintiya Kohning aktyorlik salohiyati va isteʼdodi shuhrat qozonishidan oldin ham munosib baholangan. Shirintoy aktrisa oʻsha paytdagi Singapur teleradiokompaniyasi tomonidan 1992-yilda tashkil etilgan 10-professional drama ijrochilari kursida tahsil olayotgan vaqtidayoq oʻzining kichik ekrandagi debyutini "The Dating Game" loyihasida amalga oshirgan. Yillar davomida bu mitti aktrisa oʻzining aktyorlik mahorati bilan doimo ajralib turib, bosh rol ijchisiga aylandi. Koʻp qirrali aktrisa 1997-yilda tanqidchilar eʼtirofiga sazovor boʻlgan "Men At Forty-Eight" spektaklida ham debyut qilgan. Uning mahorati "Stepping Out" filmidagi taqdiriga qarshi kurashgan mashaqqatli ayol roli orqali yanada yuksak baholanib, Star Awards ’99 mukofotining "Eng yaxshi aktrisa" nominatsiyasini qoʻlga kiritdi. Ushbu roli unga Osiyo televideniyesi mukofotida ham xuddi shu yoʻnalishda nomzod boʻlish imkonini berdi. U rol uchun boshini qirib tashlagan ilk singapurlik aktrisalardan biridir. Ikki tilda bemalol soʻzlasha oladigan Sintiya mukofotga sazovor boʻlgan mahalliy "Growing Up" serialida suratga tushib, ingliz tilidagi dramalarga oʻtdi. Shundan soʻng u oʻsmirlar orasida juda mashhur boʻlgan "@Moulmein High" maktab dramasida bosh rolni ijro etdi. Hozirgi kunga qadar Sintiya xitoy va ingliz tillarida turli xil rollarni ijro etibgina qolmay, balki boshlovchilik va qoʻshiqchilikda ham oʻzini sinab koʻrdi va ijobiy baholarga sazovor boʻldi. Professional aktrisa sifatida uning tomoshabinlar sevimlisiga aylangani ajablanarli emas.