Cristo Fernández

Cristóbal Fernández (1991-yil 27-yanvarda tug'ilgan) — meksikalik aktyor. Gvadalaxarada tug'ilib o'sgan. Yoshligida futbolga qiziqib, 15 yoshida mahalliy "Club Deportivo Estudiantes Tecos" jamoasiga qo'shilgan, biroq tizzasidagi jarohat sababli sportchilik karyerasini yakunlashga majbur bo'lgan. Ota-onasining qo'llab-quvvatlashi bilan kollejda aktyorlikka qiziqib qolgan. Londonga ko'chib o'tgach, aktyorlik mahoratini oshirgan va bir nechta mustaqil filmlarda suratga tushganidan so'ng, "Ted Lasso" komediya serialiga taklif etilgan. U Espectro MX Films prodyuserlik kompaniyasi asoschisi. 2024-yildan buyon State Farm reklama roliklarida qatnashmoqda, shuningdek, "Sonic the Hedgehog 3" filmida kichik rol ijro etgan.