Courtney Halverson

Kortni Xalverson (1989-yil 14-iyunda tug'ilgan) — turli filmlar va teleseriallarda suratga tushgan amerikalik aktrisa. Kaliforniyaning Orinj okrugida tug'ilgan Xalverson «Rogues», «Sleepwalk» va «Freaky Faron» kabi filmlarda rol o'ynagan. Shuningdek, u Disney kanalida har kuni efirga uzatiladigan «Check This Kid Out» ko'rsatuviga diktorlik qilgan. 2006 yil oxirida u rejissyor Mark Pellington tomonidan suratga olingan The Fray guruhining «How to Save a Life» qo'shig'i klipida suratga tushgan. Xalverson shuningdek, 2003 yilda Los-Anjelesda rejissyor Keti Rendell tomonidan suratga olingan va keyinchalik Avstraliyada to'liq metrli filmga aylantirilgan «Hey, Hey, It's Esther Blueburger» qisqa metrajli filmida bosh rolni ijro etgan. 2008 yil o'rtalarida u Ankorijda (Alyaska) suratga olingan «Godspeed» nomli psixologik trillerdagi ishini yakunlagan. Xalverson mazkur filmda aktyorlar Jozef MakKelxir va Kori Knauf bilan birga bosh qahramon Sara Roberts rolini ijro etgan. Film 2009 yil iyun oyida Las-Vegasda bo'lib o'tgan Cinevegas kinofestivalida namoyish etilgan. Xalversonning «Etienne» filmi ham shu festivalda premyera qilingan. Ya'qinda Xalverson Janett Okening romani asosida suratga olingan Hallmark kanalining «Love Finds a Home» filmida bosh rolni o'ynagan. XIX asrga oid ushbu g‘arbiy romantik filmda u afsonaviy aktrisa Petti Dyuk bilan birga suratga tushgan. Shuningdek, filmda Xeyli Daff, Jordan Bridjes va Sara Jons ham rol o'ynagan.