Corentin Lobet

Corentin Lobet — 1979-yilda Bryusselda tug‘ilgan belgiyalik aktyor. U IAD da dramatik san'at bo‘yicha tahsil olib, 2003-yilda o‘qishni tamomlagan. Ijodining boshidayoq u kino va televideniyedagi yirik loyihalarda qatnasha boshlagan: 2003 yilda Alen Berlinerning "La maison du canal" filmida bosh rollardan birini ijro etgan. Shundan beri u Jan-Pol Salome, Frederik Fonteyn, Matye Donk, Rashid Busharib, Lukas Belvo, Mixa Vald, Kosta Gavras, Shantal Akerman, Delfin Noels va boshqa rejjisyorlarning qirqqa yaqin kino va televideniye loyihalarida suratga tushgan. 2013-yilda u naqd beshta loyihada, jumladan Jan-Pol Salomening "Je fais le mort" filmidagi yorqin obrazda ishtirok etgach, 2014-yilda Erik Barbierning "Le dernier diamant" va Mishel Spinozaning "Son épouse" filmlarida Ivan Attal bilan birga, shuningdek Gürin van de Vorstning e'tirofga sazovor bo‘lgan "Osez la macédoine" qisqa metrajli filmida rol o‘ynagan. U shuningdek teatr sahnasida ham faoliyat yuritib keladi. Jumladan, "Théâtre de Poche"da ("No man's land" va "Le projet H.L.A."), Bryussel shahridagi "Théâtre du Parc"da ("Don Quichotte"), "Atelier 210"da ("Kvetch"), Avinyonda ("Velouté") va yaqinda "Centre Culturel des Riches-Claires"da ("Les gens bien n'osent plus sortir le soir") sahnaga chiqqan. 2014-yilda u Sebastian Moradiellos bilan birgalikda "Ton Texte Georges!" notijorat tashkilotiga asos solgan. Uning ilk mahsuloti bo‘lgan "Jeremy Fisher" spektakli Huy shahridagi yoshlar teatri festivalida namoyish etilgan.