Connor Trinneer

Konnor Trinner (1969-yil, 19-mart) — amerikalik kino, teatr va televideniye aktyori. U "Star Trek: Enterprise" serialidagi Charlz "Trip" Taker III hamda "Stargate Atlantis"dagi Maykl rollari bilan shuhrat qozongan. Vashington shtatining Uolla-Uolla shahrida tug'ilgan aktyor yoshligining ko'p qismini Kelso shahrida o'tkazgan. Takomadagi Tinch okeani lyuteran universitetida (Pacific Lutheran University) o'qib, kollejlararo futbol jamoasida o'ynagan. Aktyorlik bo'yicha bakalavr darajasini olgach, Missuri-Kanzas-Siti universitetida magistratura bosqichini tamomlagan. 2004-yil 29-mayda Ariana Navarrga uylangan, ularning Jasper ismli o'g'li bor.