Clive Standen

Clive Standen Shimoliy Irlandiyaning Holywood shahridagi Britaniya armiyasi bazasida tug‘ilgan. Ikki yoshida Angliyaning Lestershir shahriga ko‘chib o‘tgan. Melton Mowbray kollejida sahna san’ati bo‘yicha tahsil olgan. 12 yoshidan boshlab nottingemlik kaskadyorlar jamoasi bilan birga ot minish, qilichbozlik va nayzabozlik sirlarini o‘rgangan. Chap qo‘l bilan tug‘ilgan bo‘lsa-da, o‘ng qo‘lida jang qilishni o‘rgangan. 15 yoshida Milliy yoshlar teatri va Milliy yoshlar musiqa teatri a’zosi bo‘lib, Vest-End sahnalarida, shuningdek, Royal Albert Hall va Shekspirning “Globe” teatrida yetakchi rollarni ijro etgan. Keyinchalik London drama akademiyasida (LAMDA) uch yillik aktyorlik kursini tamomlagan. “Robin Hood” va “Dr Who”dan avval “Waking the Dead” (2004), “Ten days to D-day” hujjatli filmi, “Doctors” seriali va “Tom Brown's Schooldays” loyihalarida ko‘rinish bergan. Shuningdek, Syerra-Leonedagi SAS maxsus amaliyoti haqidagi “Zero Hour” serialida Mayor Alan Marshall rolini o‘ynagan.