Cleo

Cleo Pires Ayrosa Galvão (1982-yil 2-oktabr) — braziliyalik aktrisa va xonanda, Glória Pires va Fabio Jr.ning qizi. Aktyorlik faoliyatini 1994-yilda „Memorial de Maria Moura“ mini-serialida boshlagan. Keyinchalik, bir muddat televideniyedan uzoqlashgan. 2010-yil avgust oyida „Playboy“ jurnalining 35 yilligiga bag‘ishlangan 50 sahifalik maxsus sonining muqovasida suratga tushgan. 2010/2011-yillarda „Araguaia“ telenovellasida bosh qahramon India Estelani ijro etgan. „O Tempo e o Vento“ filmida esa onasi 1985-yilda o‘ynagan Ana Terra obrazining yoshligini gavdalantirgan.