Clementina Guadarrama

Iguala (Guerrero) shahridan boʻlgan, besh farzandning kattasi Clementina teatrga boʻlgan muhabbati tufayli oilasiga qarshi chiqishga majbur boʻladi. Bunga meksikalik aktyor Esvón Gamaliel sababchi boʻladi. Oʻsmirlik davrida onasi singari xizmatkor boʻlib ishlagan Clementina Akapulkoda “Una tal Raymunda” spektaklini tomosha qilgach, kelajakda sahnadagi oq kostyumli aktyor bilan ishlashga ahd qiladi. 22 yoshida, qoʻlida yosh bola bilan Tolukaga koʻchib oʻtib, Universidad Autónoma del Estado de México'da drama sanʼatini oʻrganadi. Teatr unga oʻziga boʻlgan ishonchni oshirishga yordam bergan boʻlsa-da, aktyorlik olamida kambagʻalligi va milliy xususiyatlari tufayli kamsitilishlarga ham duch keladi. Keyinchalik oʻz pyesalarini yozish va sahnalashtirishni boshlaydi. U Channel 11 telekanalining “La Malinche” kabi seriallarida, shuningdek, Selena, Juan Gabriel va Julio Cesar Chavez kabi mashhur shaxslar obrazlarida koʻrinish bergan. “Cría Puercos” filmida ilk bor ikkinchi darajali rolni oʻynagach, sir saqlangan loyiha uchun chaqiruv oladi. Bir necha sinovlardan soʻng, u “Roma” filmi aktyorlar tarkibiga kiritilgani tasdiqlanadi.