Claudia Cardinale

Claude Joséphine Rose "Claudia" Cardinale (1938–2025) — italiyalik aktrisa. Sophia Loren va Gina Lollobrigida bilan bir qatorda italyan kinosining yetakchi siymolaridan biri sifatida e'tirof etilgan. 60 yildan ortiq davom etgan faoliyati davomida u xalqaro miqyorda tan olindi. 1960-yillarda "dunyoning eng go'zal ayoli" deb e'tirof etilgan Cardinale komediya, drama, spaghetti vestern va tarixiy epik filmlarni o'z ichiga olgan 175 dan ortiq kinokartinalarda suratga tushgan. U Federico Fellini, Sergio Leone va Werner Herzog kabi mashhur rejissyorlar bilan hamkorlik qilgan. Tunis yaqinidagi La Goulette shahrida tug'ilib o'sgan Cardinale 1957 yilda "Tunisdagi eng go'zal italyan qizi" tanlovida g'olib chiqadi. Mukofot sifatida Italiyaga sayohat qilish imkoniyatini qo'lga kiritishi uning kino olamiga kirib kelishiga yo'l ochdi. Misrlik yulduz Omar Sharif bilan birga "Goha" (1958) filmida debyut qilganidan so'ng, u "Rocco and His Brothers" (1960), "Girl with a Suitcase" (1961), "Cartouche" (1962), "The Leopard" (1963) kabi filmlardagi rollari bilan Italiyaning eng mashhur aktrisalaridan biriga aylandi.