Clara Bow

Klara Gordon Bou (1905-yil 29-iyul – 1965-yil 27-sentabr) – 1920-yillarda ovozsiz filmlar yulduzi boʻlgan amerikalik aktrisa. 1927-yildan soʻng ovozli filmlarga muvaffaqiyatli moslashgan. «It» filmidagi chaqqon doʻkonchi qiz roli unga butun dunyo boʻylab shuhrat va «The It Girl» laqabini keltirgan. Bou «shovqinli yigirmanchi yillar»ning ramziga va oʻsha davrning bosh seks-ramziga aylangan. U 46 ta ovozsiz va 11 ta ovozli filmda rol oʻynagan, jumladan, «Mantrap» (1926), «It» (1927) va «Wings» (1927) kabi kassabop kartinalarda suratga tushgan. 1931-yilda aktyor Reks Bellga turmushga chiqqach, kinoni tark etib, Nevadada fermerlik bilan shugʻullangan.