Christopher Reeve

Kristofer D'Olier Riv (1952-yil 25-sentyabr — 2004-yil 10-oktabr) — amerikalik aktyor, kinorejissor, prodyuser, ssenariy muallifi va yozuvchi. U komiks qahramoni Supermen obrazini kino olamida jonlantirishi orqali butun dunyoga tanilgan. 1995-yil 27-may kuni Virjiniyadagi ot sporti musobaqasida otdan yiqilib tushishi oqibatida uning bo'yin qismi falajlanib qolgan. Hayotining qolgan qismini nogironlar aravachasida va sun'iy nafas oldirish moslamasi yordamida o'tkazishga majbur bo'lgan. Shunga qaramay, u umurtqa pog'onasi jarohatlangan insonlar huquqlari hamda embrion o'zak hujayralari tadqiqotlarini qo'llab-quvvatlab faol kurash olib bordi. Christopher Reeve fondiga asos solgan va Reeve-Irvine tadqiqot markazini tuzishda qatnashgan.