Christopher Jackson

Christopher Neal Jackson (1975-yil 30-sentabrda tug'ilgan) — amerikalik aktyor, xonanda va bastakor. Faoliyatini 1995-yilda, 20 yoshida Galt MacDermot'ning «Time and the Wind» myuziklida boshlagan. 1997-yilda Disney'ning «The Lion King» myuzikli bilan Brodveydagi debyutini nishonlagan va keyinchalik Simba rolini ijro etgan. U «After Midnight», «Bronx Bombers», «Holler If Ya Hear Me» va «Memphis» kabi bir qator mashhur spektakllarda bosh rollarni o'ynagan. Lin-Manuel Miranda bilan hamkorlikda yaratilgan «In the Heights» (Benny roli) va «Hamilton» (George Washington roli) loyihalari unga katta shuhrat keltirgan. «Hamilton»dagi ijrosi uchun «Tony» mukofotiga nomzod bo'lgan. Shuningdek, «Moana» multfilmida Chief Tui obraziga ovoz bergan, «After.Life» va «Tracers» filmlarida ikkinchi darajali rollarni ijro etgan.