Christina Aguilera

Kristina Mariya Agilera (1980-yil, 18-dekabrda tug‘ilgan) — amerikalik pop-qo‘shiqchi va qo‘shiqnavis. Agilera ilk bor 1990-yilda "Star Search" dasturida ishtirok etib, milliy televideniyeda paydo bo‘lgan, 1993-1994-yillarda esa Disney kanalining "The Mickey Mouse Club" teleserialida suratga tushgan. "Mulan" multfilmi uchun "Reflection" qo‘shig‘ini yozib olgach, RCA Records bilan shartnoma imzolagan. 1999-yilda uning "Christina Aguilera" nomli debyut albomi tijoriy muvaffaqiyat qozongan va "Genie in a Bottle", "What a Girl Wants" hamda "Come On Over Baby (All I Want Is You)" kabi Billboard Hot 100 reytingida birinchi o‘rinni olgan xit qo‘shiqlarni taqdim etgan. "Mi Reflejo" (2001) lotin-pop albomi va boshqa hamkorliklar unga xalqaro shuhrat keltirgan bo‘lsa-da, aktrisa o‘z musiqa va imidjiga ta’sir o‘tkaza olmaganidan norozi bo‘lgan. Menejmentni o‘zgartirgandan so‘ng, u "Stripped" (2002) albomida ijodiy nazoratni o‘z qo‘liga oldi. Albomdagi "Beautiful" qo‘shig‘i katta muvaffaqiyat qozondi. Uning uchinchi albomi "Back to Basics" (2006) soul, jazz va blyuz elementlarini o‘z ichiga olgan bo‘lib, tanqidchilar tomonidan ijobiy baholandi. To‘rtinchi albomi "Bionic" 2010-yil iyunida chiqarildi. Vokal qobiliyati va musiqiy kliplari bilan tanilgan Agilera o‘z ijodida jamoatchilik bosimi, bolalik xotiralari va ayollar huquqlarini himoya qilish kabi mavzularga murojaat qiladi.