Chris Rock

Kristofer Yuliy «Kris» Rok III (1965-yil 7-fevralda tug'ilgan) — amerikalik komik, aktyor, ssenariynavis, prodyuser va rejissyor. Comedy Central talqiniga ko'ra AQShda barcha zamonlarning eng buyuk 5-stendap komigi deb topilgan. Shuningdek, 2007-yilda Britaniyaning Channel 4 telekanalining «100 ta eng buyuk stendapchilar» ro'yxatida 9-o'rinni egallagan, 2010-yilgi yangilangan ro'yxatda esa 8-o'rinni egallagan. U «Dogma», «Beverli-Xillz nindziasi», «O'limga mahkum qurol 4», «Hamshira Betti», «Eng uzun yugurish», «Yomon kompaniya» kabi filmlardagi rollari, shuningdek, «Yerga tushish» filmidagi bosh roli bilan tanilgan. Rok kamera ortida ham faol ishlab, «Davlat rahbari» hamda «O'ylashimcha, xotinimni sevaman» filmlarining ssenariynavisi, rejissyor va bosh rol ijrochisi bo'lgan. 2005-yil kuzida UPN telekanalida Rokning maktab yillariga asoslangan «Hamma Krisni yomon ko'radi» nomli komediya seriali efirga uzila boshladi. Uning ijrochi prodyuseri va hikoyachisi bo'lgan ushbu serial tanqidchilar e'tirofiga sazovor bo'ldi va yuqori reytinglarni qo'lga kiritdi. Serial 2006-yilda «Eng yaxshi komediya yoki musiqiy serial» nominatsiyasida «Oltin globus», shuningdek, kostyum va kinooperatorlik yo'nalishlari bo'yicha ikkita «Emmi» mukofotiga nomzod bo'lgan. O'zining ilk hujjatli filmi «Sochlar» (2009) chiqqach, Rok qarz mavzusiga bag'ishlangan «Qarz — bu shayton» nomli hujjatli film ustida ishlay boshladi. 2010-yilda Adam Sandler bilan birga «Kattalar» filmida va hamkasbi komik/aktyor Martin Lourens bilan birga Britaniyaning «Dafn marosimidagi o'lim» komediyasining remeykida bosh rollarni ijro etgan.