Chris O'Dowd

Christopher O'Dowd (1979-yil 9-oktyabrda tug'ilgan) — irlandiyalik aktyor va komediyachi. U Channel 4 telekanalining 2006–2010-yillarda efirga uzatilgan “The IT Crowd” komediyali serialidagi Roy Brenneman roli orqali katta shuhrat qozongan. Shuningdek, “Gulliver's Travels” (2010), “Bridesmaids”, “Friends with Kids” (2011), “Cuban Fury” (2014), “Miss Peregrine's Home for Peculiar Children” (2016) hamda “The Cloverfield Paradox” (2018) kabi filmlarda suratga tushgan. U Sky 1 telekanalining 2012–2015-yillardagi “Moone Boy” serialining muallifi va bosh rol ijrochisi bo'lib, buning uchun Irlandiya kino va televideniye mukofotiga (IFTA) nomzod etib ko'rsatilgan. 2017-yildan beri u Epix telekanalining “Get Shorty” komediyali serialida Miles Daly rolini o'ynab kelmoqda. Shuningdek, “Girls” komediyali-dramatik serialida ham qatnashgan. Britaniyaning “State of the Union” komediyali serialidagi ijrosi uchun u “Primetime Emmy” mukofotiga sazovor bo'lgan. 2014 yilda “Of Mice and Men” pyesasining sahna ko'rinishida Broadwaydagi debyutini amalga oshirgan va “Tony” mukofotiga nomzod bo'lgan. 2020-yilda The Irish Times nashri tomonidan Irlandiyaning eng buyuk kinoaktyorlari ro'yxatida 39-o'ringa loyiq ko'rilgan.