Chiwetel Ejiofor

Chuwetel Umeadi Ejiofor (1977-yil 10-iyulda tugʻilgan) — britaniyalik aktyor. U BAFTA va Lorens Olivye mukofotlari sovrindori, shuningdek, Oskar, ikkita Primetime Emmy va beshta Oltin globus mukofotlari nomzodidir. 2008 yilda Britaniya imperiyasi ordeni (OBE), 2015 yilda esa sanʼat sohasidagi xizmatlari uchun Komandor (CBE) unvoni bilan taqdirlangan. 1995 yilda Milliy yoshlar teatriga kirib, London musiqa va dramatik sanʼat akademiyasida tahsil olgan. 19 yoshida, oʻqishining uchinchi oyidayoq Stiven Spilberg uni «Amistad» (1997) filmida Jeyms Kovi rolini oʻynash uchun taklif qilgan. Keyinchalik u «Otello» (2008) spektolidagi roli uchun Lorens Olivye mukofotiga sazovor boʻldi. Ejiofor «12 yillik qullik» (2013) filmida Sulomon Nortap rolini gavdalantirib, eng yaxshi aktyor uchun BAFTA mukofotini qoʻlga kiritdi va Oskar mukofotiga nomzod boʻldi. Shuningdek, u «Dirty Pretty Things» (2002), «Love Actually» (2003), «Kinky Boots» (2005), «Four Brothers» (2005), «Children of Men» (2006), «Endgame» (2009), «2012» (2009), «Salt» (2010) va «The Martian» (2015) kabi filmlarda suratga tushgan. Marvel kinematografiya koinotiga qoʻshilib, «Doktor Strenj» (2016) hamda «Doktor Strenj: Devonasimon koʻp olamda» (2022) filmlarida Karl Mordo rolini oʻynagan. «Qirol sher» (2019) animatsion filmida Skar qahramoniga ovoz bergan. U «Shamolni boʻysundirgan bola» (2019) filmiga rejissyorlik qilgan, uning ssenariysini yozgan va bosh rolni ijro etgan.