Chevy Chase

Kornelius Kreyn "Chevi" Cheys (1943-yil 8-oktyabrda tugʻilgan) — amerikalik komik, ssenariynavis, kino va televideniye aktyori. U mashhur san'atkorlar oilasida dunyoga kelgan. Komediya sohasiga kirib kelguniga qadar turli yumushlar bilan shugʻullangan. Keyinchalik National Lampoon jamoasi safiga qo'shilib, "Saturday Night Live" ko'rsatuvining dastlabki mavsumidayoq asosiy aktyorlardan biriga aylandi va uning "Weekend Update" sahna ko'rinishi shouning eng muhim qismiga aylandi. U ijodiy faoliyati davomida 5 marta ko'rsatilib, 3 marta "Primetime Emmy" mukofotini qo'lga kiritgan. Shuningdek, Cheys "National Lampoon's Vacation" filmlar turkumidagi Klark Grisvold roli hamda "Kaddyshack" (1980), "Fletch" (1985) va "¡Three Amigos!" (1986) kabi muvaffaqiyatli komediyalardagi rollari bilan tanilgan. U ikki marta (1987 va 1988-yillarda) "Oskar" mukofoti taqdirlash marosimini olib borgan va qisqa muddat o'zining kechki tok-shousiga ega bo'lgan. 2009–2014-yillarda NBC kanalining "Community" komedik serialida Pirs Xotorn rolini o'ynagan.