Chen Tian Wen

Chen Serangoon Garden texnik maktabini tamomlagan. U aktyorlik mahorati bo‘yicha 5-kursni tugatib, SBCga ishga kirdi va 1984-yilda debyutini amalga oshirdi. Taekvondo bo‘yicha qora belbog‘ sohibi bo‘lgan Chen, jang san‘atidagi tajribasi tufayli 1990-yillarda ko‘plab vuxia janridagi dramalarda va jangovar sahnalarga boy seriallarda suratga tushgan. Shuningdek, u Singapur mashhur kishilari futbol jamoasi a‘zosi. Cannes kinofestivalida g‘olib chiqqan "Ilo Ilo" filmidagi roli tanqidchilar tomonidan yuqori baholanib, aktyorga yana katta e‘tibor qaratildi. Chen, shuningdek, internetda virus kabi tarqalgan ikkita parodiya musiqiy videosi bilan ham mashhur bo‘ldi. Birinchisi — "Unbelievable" deb nomlangan bo‘lib, undagi "I so stunned like vegetable" jumlasi uchun TIME jurnalining e‘tiborini tortgan. Ikkinchi video – "Sandcastle in My Heart" esa avvalgisidek katta muvaffaqiyat qozonmadi. Har ikkala video 1970-yillardagi mashhur xitoycha klip va qo‘shiqlarning, xususan, singapurlik xonanda Huang Ching Yuanning ijodiga parodiya hisoblanadi.