Charlie Rose

Charles Peete Rose Jr. (1942-yil 5-yanvarda tug'ilgan) — amerikalik jurnalist va teleboshlovchi. 1991-yildan 2017-yilgacha PBS va Bloomberg LP kanallarida namoyish etilgan “Charlie Rose” tok-shousining muallifi va bosh prodyuseri bo'lgan. Dasturda yozuvchilar, siyosatchilar, sportchilar va ziyolilar bilan o'tkazilgan intellektual suhbatlari bilan tanilgan. 2012-2017-yillarda Gayle King va Norah O'Donnell bilan birga “CBS This Morning” ko'rsatuvi boshlovchisi bo'lib ishlagan, shuningdek, CBS kanalining boshqa ko'rsatuvlarida ham faoliyat yuritgan. 2022-yildan buyon o'zining shaxsiy veb-saytida “Charlie Rose Conversations” nomli onlayn suhbatlarni olib boradi. Shuningdek, u “Breaking Bad” va “House of Cards” kabi mashhur seriallarda epizodik rollarni ijro etgan. 2017-yilda jinsiy shilqimlik ayblovlari tufayli televideniyedan chetlashtirilgan.