Chadwick Boseman

Chedvik Bouzman — Janubiy Karolinaning Anderson shahridan chiqqan amerikalik aktyor, dramaturg va ssenarist. U Xovard universitetini tamomlab, Oksforddagi Britaniya-Amerika drama akademiyasida tahsil olgan. Bouzman yozgan «Deep Azure» pyessasi 2006-yilda yangi asar uchun beriladigan Jozef Jefferson mukofotiga nomzod boʻlgan. Uning aktyorlikdagi yulduzli onlari 2013-yilda suratga olingan «42» filmida bosh qahramon Jeki Robinson rolini oʻynaganidan boshlangan. Bouzman tomoshabinlarga Marvel kinematografiya koinotidagi T’Challa / Qora Pantera roli bilan yaxshi tanish. U bu qahramonni «Kapitan Amerika: Fuqarolar urushi» (2016), «Qora Pantera» (2018), «Qasoskorlar: Cheksizlik jangi» (2018) va «Qasoskorlar: Avlodlar» (2019) filmlarida gavdalantirgan.