Cha Eun-woo

Lee Dong Min (이동민), sahna nomi Cha Eun-woo (차은우) bilan tanilgan — Fantagio leybeli ostidagi janubiy koreyalik qoʻshiqchi, aktyor va model. U Janubiy Koreyaning Astro 11-guruhining aʼzosi. U aktyorlikdagi debyutini "My Brilliant Life" filmidagi kichik rol bilan boshlagan. Debyutidan koʻp oʻtmay, uning mashhurligini biroz oshirgan "The Best Hit" serialida epizod rol oʻynagan. U tashqi koʻrinishi bilan eʼtiborni tortib, ommaviy axborot vositalari tomonidan 'Yuz dahosi' (Genius Face) degan laqabni olgan. 2018-yilda Cha JTBC telekanalining "My ID is Gangnam Beauty" romantik komediya serialidagi ilk bosh rolini ijro etdi va bu serial namoyish etilgach, uning mashhurligi keskin oshib ketdi. 2020-yil aprel oyida Cha "Master in the House" koʻrsatuvining doimiy ishtirokchisiga aylandi va buning natijasida 2020-yilgi SBS Entertainment Awards taqdirlash marosimida "Yil debyuti" mukofotini qoʻlga kiritdi.