Ceylan Özgün Özçelik

1980 yilda Turkiyada tugʻilgan. Oʻzçelik Istanbuldagi Marmara universitetida huquqshunoslik yoʻnalishida oʻqigan, biroq bu sohada ishlamagan. Televideniyeda matn muallifi va radiostansiyada DJ boʻlib ishlagandan soʻng, qariyb oʻn yil davomida efirga uzatilgan “En Heyecanlı Yeri” nomli kino koʻrsatuviga produserlik qilgan, uning ssenariysini yozgan va boshlovchilik qilgan. Shuningdek, u yana toʻrtta madaniyat-sanʼat dasturiga produserlik qilib, matn yozgan. Oʻn toʻrt yil davomida onlayn va bosma ommaviy axborot vositalari uchun kinoresenziyalar yozgan. Uning qalamiga mansub "Dikkat Çekim Var!” nomli intervyular va media xotiralari kitobi 2013 yilda nashr etilgan. 2005-2011 yillar oraligʻida u sahna orti jarayonlari, kino mukofotlari videolari, produserlik kompaniyalari tizerlari va hujjatli filmlarni montaj qilgan. Uning qisqa metrajli filmlari Bratislava Art va Festroia kabi turli festival dasturlarida namoyish etilgan. Xotira va ommaviy axborot vositalariga bagʻishlangan triller janridagi ilk toʻlametrajli debyut filmi KAYGI/INFLAME 67-Berlinale Panorama festivalida jahon premyerasini oʻtkazdi va Shimoliy Amerika premyerasi boʻlib oʻtgan South by Southwest (SXSW) festivalida Luna Gamechanger mukofotini qoʻlga kiritdi. Inflame dunyo boʻylab 30 dan ortiq festivallarda namoyish etildi. Oʻzçelik ayni paytda ayollar va zoʻravonlik mavzusidagi qora komediya yoʻnalishidagi ikkinchi toʻlametrajli 18+ filmi ustida ish olib bormoqda. 18+ filmi "Koʻprik ustidagi uchrashuvlar" loyihalari qatoridan joy olib, 2017 yilda Maxsus effektlar mukofotini qoʻlga kiritgan. Oʻzçelik 2018 yil uchun Medienboard Berlin-Brandenburg rezident-rassomi hisoblanadi.