Cathy Cavadini

Catherine Janet Cavadini (1961-yil 21-aprelda tug‘ilgan) — amerikalik dublyaj aktrisasi. U asosan Cartoon Network telekanalining „The Powerpuff Girls“ animatsion serialidagi Blossom va „An American Tail: Fievel Goes West“ hamda „Fievel's American Tails“ animatsion loyihalaridagi Tanya Mousekewitz ovozi bilan tanilgan. 2003-yilda Catherine „The Powerpuff Girls Movie“ filmidagi mehnati uchun „White House Project Epic Award“ mukofotiga sazovor bo‘lgan. 1998-yilda u „Babes in Toyland“ animatsion filmidagi Meri roli uchun „Annie“ mukofotiga nomzod bo‘lgan. Shuningdek, u „An American Tail: Fievel Goes West“ filmida Tanya obrazida kuylagan „Dreams to Dream“ qo‘shig‘i 49-„Oltin globus“ mukofotlarida „Eng yaxshi qo‘shiq“ nominatsiyasiga ko‘rsatilgan. Bundan tashqari, Cavadini „The X-Files“ serialidagi ovoz rejissorligi ishlari uchun ikki marta „Emmy“ sertifikatini olgan.