Casper Christensen

Casper Christensen 1968-yilda Daniyaning Birkerod shahrida tug‘ilgan. 1987-yilda amerikalik stendapchi Stiv Martinning kassetasini sotib olib, uning ijodiga qoyil qoladi. Kasbiy faoliyatini stendap-komediya janrida boshlagan Casper, keyinchalik «Casper & Mandrilaftalen» (1999) loyihasidagi hamkasblari Frank Hvam, Lasse Rimmer va Lars Hjortshoj bilan birga ishlaydi. Daniya televideniyesi (DR) bilan tuzilgan shartnomadan so‘ng, u «Hvaffor en hånd» (1991) bolalar ko‘rsatuvini olib bordi. Uning faoliyatidagi katta muvaffaqiyat 1994-yilda boshlovchilik qilgan «Husk lige tandbørsten» viktorinasi orqali keldi. Bu loyiha uni Daniya televideniyesining yulduziga aylantirdi, biroq keyingi «Safari» (1996) loyihasi muvaffaqiyatsizroq bo‘ldi.