Carl Joseph E. Papa

Carl Joseph Papa — filippinlik kinoijodkor va animator. Filippin animatsiyasining taniqli namoyandasi boʻlib, uning filmografiyasi asosan rotoskopiya texnikasiga asoslangan animatsion filmlardan iborat. Bu filmlarda koʻpincha Filippindagi kundalik turmush tarzi, xususan, oilaviy qiyinchiliklar mavzulari yoritiladi. Uning filmlari butun dunyo boʻylab kinofestivallarda namoyish etilib, koʻplab mukofotlarga sazovor boʻlgan. Jumladan, "Manang Biring" (2015) va "Paglisan" (2018) qora komediyalari unga Cinema One Originals kinofestivalining "Eng yaxshi film" mukofotini ikki marta olib kelgan. shuningdek, uning "Iti Mapukpukaw" (2023) psixologik drama-fentezisi 19-Cinemalaya xalqaro kinofestivalida "Eng yaxshi film" deb topilgan. 2025-yilda esa u 21-Cinemalaya xalqaro kinofestivalida "Keyingi 24 soat" (The Next 24 Hours) filmi uchun "Eng yaxshi qisqa metrajli film" mukofotini qoʻlga kiritgan.