Camilla Luddington

Britaniyalik aktrisa Kamilla Luddington 1983-yil 15-dekabrda tug‘ilgan. Angliyaning Berkshir shahrida ulg‘aygan aktrisa besh yoshidan o‘z yaqinlari uchun kichik chiqishlar qilib, ukasiga rejissyorlik qila boshlagan. 11 yoshida ilk agentiga ega bo‘lib, mahalliy teatr sahnalarida ko‘rinish bergan. Londondagi nufuzli Italia Conti akademiyasida teatr san’ati bo‘yicha tahsil olganidan so‘ng, 2007-yilda Gollivudga ko‘chib o‘tdi. U «William and Kate» filmidagi Keyt Middlton roli orqali dunyoga tanildi. Shuningdek, «Tomb Raider» videoo‘yinida Lara Kroft obrazini gavdalantirib, o‘yin muxlislari va tanqidchilar e’tirofiga sazovor bo‘lgan. Aktrisa «Californication» serialidagi Lizzi hamda «True Blood» serialidagi Klodetta rollari bilan ham mashhur.