Calvin Chen

Calvin Chen — koʻp qirrali aktyor, qoʻshiqchi va komediyachi. U J.J. Abrams rejissyorligidagi Lucasfilm'ning "Star Wars: Episode VII – The Force Awakens" filmida "Kajiklub" sifatida suratga tushgan. Oksford universitetida ingliz tilini oʻrgangan Chen ikki karra mukofotga sazovor boʻlgan "Identity School of Acting" drama maktabida tahsil olgan. Calvin Maks Minghella rejissyorligida suratga olingan, bosh rolni El Fanning ijro etgan va Zolushka ertagining zamonaviy talqini boʻlgan, kichik shaharchadan qochib qoʻshiqchilikka intiladigan Violet haqidagi "Teen Spirit" filmida rol oʻynagan. Calvin filmda "TET" qahramonini gavdalantirgan. Chen Klei Vayner rejissyorligidagi "Fanta" kompaniyasining "Big News" reklama roligida koʻrinish bergan. Unda Fanta bosh qarorgohida bosh direktorlarga aylanib qoladigan oʻsmirlar guruhi tasvirlangan. Calvin barcha mashhur rahbarlar havas qiladigan darajada oʻzgacha uslubga ega boʻlgan "The Cool Kid" laqabli bolakay rolini oʻynagan. Ushbu loyiha "TwentyFour-Seven" tomonidan ishlab chiqarilgan. Calvin Angliyaning London shahrida istiqomat qiladi. Uning otasi tayvanlik-koreys, Filippinda tugʻilgan onasi esa "ispan" oilasidan asrab olingan. Calvin Maniladagi afsonaviy bokschi Menni Pakyao vatani boʻlgan "Elorde" boks zalida shugʻullangan professional bokschi hisoblanadi. Chen shuningdek, jang san'atlari bilan keng miqyosda shugʻullanadi. Chen mandarin, koreys, ingliz va filippin tillarida erkin soʻzlashadi. Chen Kennet Brana rejissyorligidagi, bosh rolni Gal Gadot ijro etgan "Death on the Nile" filmini suratga olish jarayonlarida qatnashgan. Film Twentieth Century FOX tomonidan 2020-yil oktabr oyida chiqarilishi rejalashtirilgan edi.