César Costa

Xonanda, aktyor, qo'shiq yozuvchi prodyuser, huquqshunos, televideniye va kino aktyori hamda kompozitor. UNICEFning Meksika bo'yicha Maslahat kengashi a'zosi va xayriya elchisi. Diego de Kossio tomonidan 1956 yilda asos solingan The Black Jeans guruhi Meksikada rok-n-roll yo'nalishining pionerlari hisoblanadi. César Roel o'zining musiqiy faoliyatini 1958 yilda inglizcha xit-qo'shiqrlarning ispancha versiyalarini ijro etuvchi, tarkibida Xuan Manuel de Kossio, Diego de Kossio va Karlos Loftus bo'lgan Los Black Jeans guruhida bosh solist sifatida boshlagan. 1958 yilda ular Peerless ovoz yozish studiyasida "La Batalla de Jericho" va "La Cucaracha" qo'shiqlarini yozib olib, Meksikada rok-n-roll yozuvlari yaratilishining boshida turishgan. Guruh Musart leybliga o'tgach, o'z nomini Los Camisas Negras deb o'zgartirgan, César Roel esa guruh rahbari Don Costa sharafiga César Costa nomini olgan. Keyinchalik ularga pianinochi Xavier de la Kueva qo'shilgan. Ularning ilk va yagona albomi 1960 yilda chiqarilgan. Ko'p o'tmay guruh tarqab ketdi va César Costa muvaffaqiyatli yakkaxon karyerasini boshladi. Asosan kanadalik qo'shiqchi-kompozitor Pol Ankaning inglizcha ohanglarini ispan tiliga moslashtirib kuylagan holda u o'ziga xos uslub yaratdi va Frank Sinatra izidan borib, "kruner" uslubida Enrike Gusman bilan raqobat qildi. Uning sahnadagi eng asosiy o'ziga xos jihati muxlisona sovg'a qilingan naqshli sviterlarda chiqish qilishi edi. U 1978 yildan "La carabina de Ambrosio" dasturini olib borgan. 1987–1994 yillarda esa "Papá soltero" komediya serialida ishtirok etgan.