Burt Reynolds

Barton Leon Reynolds kichik (1936-yil 11-fevral – 2018-yil 6-sentyabr) — amerikalik aktyor, rejissyor va prodyuser boʻlib, Amerika ommaviy madaniyatining jinsiy ramzi va ikonasi deb topilgan. Reynolds dastlab “Gunsmoke” (1962–1965), “Hawk” (1966) va “Dan August” (1970–1971) kabi turli teleseriallarda bosh rollarni oʻynab tanila boshlagan. Garchi “Navajo Joe” (1966) kabi filmlarda bosh rollarni ijro etgan boʻlsa-da, uning haqiqiy muvaffaqiyati “Deliverance” (1972) filmidagi Lyuis Medlok roli orqali keldi. Reynolds keyinchalik “The Longest Yard” (1974), “Smokey and the Bandit” (1977), “Semi-Tough” (1977), “The End” (1978), “Hooper” (1978), “Starting Over” (1979), “Smokey and the Bandit II” (1980), “The Cannonball Run” (1981), “Sharky's Machine” (1981), “The Best Little Whorehouse in Texas” (1982) va “Cannonball Run II” (1984) kabi kassabop filmlarda bosh qahramon (koʻpincha yoqimtoy isyonkor) obrazini gavdalantirdi va bu filmlarning bir nechtasiga oʻzi rejissyorlik ham qilgan. U ikki marta “Oltin globus” mukofotining “Eng yaxshi aktyor – komediya yoki musiqiy film” nominatsiyasiga nomzod boʻlgan. Reynolds “Top Ten Money Making Stars Poll” yillik soʻrovnomasida ketma-ket besh yil davomida (1978–1982) dunyoning bir raqamli kassabop yulduzi deb topildi va bu rekordni Bing Krossi bilan boʻlishadi. Kinokassalardagi ayrim muvaffaqiyatsizliklardan soʻng, u televideniyega qaytib, “Evening Shade” (1990–1994) sitkomida bosh rolni oʻynadi va bu roli uchun “Oltin globus” hamda “Emmi” mukofotlarini qoʻlga kiritdi.