Bruce Abbott

Brus Pol Ebbott (1954-yil 28-iyulda tug‘ilgan) — amerikalik aktyor. U "Re-Animator", "Bad Dreams", "The Prophecy II", "Out of Time", "Bride of Re-Animator" kabi filmlarda va "Dark Justice" teleserialida suratga tushgan. Ebbott ijodiy faoliyatini 1970-yillarning oxirida Oregon shtatining Eshlend shahridagi "Oregon Shakespeare Festival" teatrida raqqos va aktyor sifatida boshlagan. 1980-yilda Portlenddan Gollivudga ko‘chib o‘tgan. Ko‘p o‘tmay, u "Tag: The Assassination Game" filmida salbiy qahramon rolini ijro etdi va suratga olish maydonchasida birinchi turmush o‘rtog‘i Linda Xemilton bilan tanishdi. Ularning Dalton Brus ismli o‘g‘li bor (u "Terminator II" filmida "go‘dak Jon Konnor" rolini o‘ynagan). Keyinchalik Brus va Linda ajrashishdi. 1989-yilda "Trapped" televizion filmini suratga olish jarayonida aktrisa Ketlin Kuinlan bilan tanishdi va 1994-yilda ular turmush qurishdi, juftlikning Tayler Kuinlan ismli o‘g‘li bor. Ebbott o‘z faoliyati davomida "Murder She Wrote", "Family Law", "Diagnosis: Murder" kabi ko‘plab seriallarda epizodik rollarni ijro etgan. Hozirda aktyorlikdan chekingan Ebbott arxitektor va rassom sifatida faoliyat yuritadi.