Brock Lesnar

Brock Edward Lesnar — amerikalik professional kurashchi, aralash yakkakurash ustasi va sobiq futbolchi. Hozirda WWE bilan shartnomasi bor va yettinchi marta WWE chempioni unvoniga ega. Barcha davrlarning eng buyuk kurashchilaridan biri hisoblangan Lesnar WWE, UFC, NJPW va NCAA’da og‘ir vazn toifasidagi asosiy chempionlik unvonlarini qo‘lga kiritgan yagona shaxsdir. U Minnesota universitetida havaskorlar kurashi bilan shug‘ullanib, 2000-yilda NCAA chempioni bo‘lgan. Ko‘p o‘tmay World Wrestling Federation (keyinchalik 2002-yilda WWE deb qayta nomlangan) bilan shartnoma imzolagan. 2002-yilda, 25 yoshida WWE chempionligini qo‘lga kiritib, ushbu unvonni qo‘lga kiritgan eng yosh sportchi sifatida rekord o‘rnatgan. 2004-yilda WWE’ni tark etib, NFL’ning "Minnesota Vikings" jamoasiga qo‘shilishga uringan, ammo mavsumoldi bosqichida jamoadan chetlashtirilgan. NJPW safida bo‘lganida 2005-yilda IWGP og‘ir vazn chempionligini qo‘lga kiritgan. 2012-yilda WWE’ga qaytgan; uning Universal chempioni sifatidagi 504 kunlik rekordi tashkilot tarixidagi yettinchi eng uzoq chempionlikdir. Shuningdek, ikki marta Royal Rumble g‘olibi bo‘lgan, "Money in the Bank" va "King of the Ring" turnirlarida zafar quchgan. WWE’ning eng yirik shousi bo‘lgan "WrestleMania" (XIX, 31, 34 va 36-sonlari) musobaqalarida to‘rt marta asosiy ishtirokchi bo‘lgan.