Brittany Snow

Brittani Enn Snou (1986-yil 9-martda tugʻilgan) — amerikalik aktrisa va rejissyor. U CBS telekanalining «Guiding Light» (1998–2001) kundalik serialida suratga tushgach tanila boshladi va bu roli uchun «Young Artist» mukofotining «Eng yaxshi yosh aktrisa» yoʻnalishini qoʻlga kiritdi hamda yana ikkita «Young Artist» va bitta «Soap Opera Digest» mukofotiga nomzod boʻldi. Shundan soʻng u NBC’ning «American Dreams» (2002–2005) dramatik serialida bosh rolni ijro etib, «Young Artist» va uchta «Teen Choice» mukofotiga nomzod boʻlgan. Snou turli filmlarda, jumladan, «The Pacifier» (2005), «John Tucker Must Die» (2006), «Hairspray» (2007), «Prom Night» (2008), «Would You Rather» (2012), «Pitch Perfect» film trilogiyasi (2012–2017), «Bushwick» (2017), «Hangman» (2017), «Someone Great» (2019) va «X» (2022) kabi kartinalarda suratga tushgan. Shuningdek, u NBC’ning «Harry's Law» (2011) huquqiy komediya-dramasi va Fox telekanalining «Almost Family» (2019–2020) dramatik serialida ham rol oʻynagan. Snou maktablardagi zoʻravonlikka barham berishga qaratilgan notijorat Jed jamgʻarmasining «Love Is Louder» harakati asoschilaridan biridir. Shuningdek, u 2020-yilda «September Letters» nomli ruhiy salomatlikni qoʻllab-quvvatlovchi maktublar yozish tashabbusiga asos solgan.