Brilliant Dadashova

Brilliant Sulaymon qizi Dadashova (ozarbayjoncha: Brilliant Dadaşova) — ozarbayjonlik estrada xonandasi. Dadashova ilk bor sahnaga 1985-yilda ozarbayjonlik bastakor Eldar Mansurov qo'shiqlari bilan chiqqan. 1986-yilda Moskvadagi yillik Xalqaro yoshlar festivalida qatnashgan. Ikki yil o'tgach, Sovet Ittifoqi respublikalari vakillari o'rtasidagi nufuzli Butunittifoq estrada xonandalari tanlovida g'olib chiqqan. 1990-yilda Ozarbayjon milliy madaniyat va san'at institutini tamomlagan. U o'z vatanidan tashqarida ham ijro etgan ozarbayjonlik sanoqli estrada xonandalaridan biridir. Dadashova AQSh, Kanada, Buyuk Britaniya, Germaniya, Avstriya, Shvetsiya, Rossiya va Turkiyada konsertlar bergan.