Brian Thompson

Brian Thompson (1959-yil 28-avgustda tug‘ilgan) — amerikalik aktyor. Uning o‘ziga xos ko‘rinishi, kuchli ovozi va salobatli qaddi-qomati (193 sm) ko‘plab jangari filmlarda va komediyalarda, jumladan, «Joe Dirt», «The Three Amigos», «Weird Science», «Key West» hamda «Life Stinks» kartinalarida suratga tushishiga zamin yaratgan. Ellensburgda tug‘ilib, Longvyuda o‘sgan. Markaziy Vashington universitetida biznes boshqaruvi bo‘yicha tahsil olgan, futbol o‘ynagan va talabalar teatrida ishtirok etgan. Kaliforniyaga ko‘chib o‘tib, Irvine universitetida tasviriy san’at magistri darajasini olgan. Dastlab musiqali teatrda, xususan, «The King and I» va «Bittersweet» kabi myuzikllarda o‘zini sinab ko‘rgan. 1982-yilda Kolorado Shekspir festivalining rezident aktyori bo‘lgan.