Brendan Fraser

Brendan James Fraser (1968-yil 3-dekabrda tug‘ilgan) — amerikalik-kanadalik aktyor. 1992-yilda «Encino Man» komediyasi va «School Ties» dramasi bilan ilk katta muvaffaqiyatiga erishgan. Keyinchalik «With Honors» (1994), «George of the Jungle» (1997) filmlarida bosh rollarni ijro etib, «The Mummy» trilogiyasi (1999–2008) bilan jahon miqyosidagi yulduzga aylandi. «Gods and Monsters» (1998), «The Quiet American» (2002) va «Crash» (2004) kabi jiddiy dramalarda suratga tushgan. Shuningdek, «Bedazzled» (2000) va «Journey to the Center of the Earth» (2008) kabi fantastik filmlarda ishtirok etgan. 2000-yillarning oxiri va 2010-yillarning o‘rtalarida moliyaviy muvaffaqiyatsizliklar, sog‘liq va shaxsiy muammolar, xususan, jinsiy tazyiqqa uchrashi sababli faoliyati susaydi. U televideniyega qaytib, «The Affair» (2016–2017), «Trust» (2018) va «Doom Patrol» (2019–2023) seriallarida rol o‘ynadi. 2021-yilda «No Sudden Move» hamda 2022-yilda Darren Aronofskining «The Whale» filmidagi roli bilan katta kinoga qaytdi. «The Whale»dagi ijrosi uchun u tanqidchilar olqishiga sazovor bo‘ldi va «Oskar» mukofotini qo‘lga kiritib, ushbu yo‘nalishda g‘olib bo‘lgan birinchi kanadalik aktyorga aylandi.