Brenda Song

Brenda Song (1988-yil 27-martda tugʻilgan) — amerikalik aktrisa, film prodyuseri va model. Ijodini bolaligidan model sifatida boshlagan. Uning ilk teatr va televideniye ishlari qatoriga „Fudge“ (1995) va „100 Deeds for Eddie McDowd“ (1999) seriallari kiradi. 2000-yilda „The Ultimate Christmas Present“ filmidagi roli uchun „Yosh aktyor“ (Young Artist Award) mukofotiga sazovor boʻlgan. U kinodagi debyutini 1996-yilda „Santa with Muscles“ filmi orqali amalga oshirgan, shuningdek, „20th Century Fox“ kinostaniyasining „Like Mike“ (2002) filmida ham koʻrinish bergan. Uning Disney kanali uchun ishlagan filmlari sirasiga „Get a Clue“ (2002) va „Stuck in the Suburbs“ (2004) kiradi. 2005-yildan boshlab Disneyning „The Suite Life of Zack & Cody“ hamda „The Suite Life on Deck“ seriallarida bosh qahramonlardan biri — London Tipton rolini oʻynay boshladi. Bu obraz Disney tarixidagi eng uzoq davom etgan ayol qahramon sifatida eʼtirof etilgan. Shuningdek, u oʻsmirlar uchun moʻljallangan dramatik „Special Delivery“, Disneyning „College Road Trip“ hamda „The Social Network“ (2010) kabi filmlarda bosh rollarni ijro etgan.