Brandon Routh

Brandon James Routh (1979-yil 9-oktyabrda tugʻilgan) — amerikalik aktyor va sobiq model. U Ayoua shtatida oʻsgan, keyinchalik aktrisarlik faoliyatini davom ettirish uchun Los-Anjelesga koʻchib oʻtgan va 2000-yillarning boshlarida koʻplab teleseriallarda suratga tushgan. 2006-yilda "Superman Returns" filmidagi bosh qahramon — Supermen roli orqali katta shuhrat qozondi. Shuningdek, u "Chuck" serialida Daniel Shaw rolini takroriy ijro etgan. Shundan soʻng, "Zack and Miri Make a Porno" va "Scott Pilgrim vs. the World" filmlarida e'tiborga molik ikkinchi darajali rollarni oʻynadi. 2010-yilda u komiks asosida suratga olingan yana bir film — "Dylan Dog: Dead of Night"da bosh qahramon rolini gavdalantirdi. Hozirda u CW kanalining "Arrow" va "Legends of Tomorrow" superqahramonlik seriallarida DC olamining yana bir afsonaviy qahramoni — Ray Palmer/The Atom obrazini gavdalantirmoqda.