Brad Pitt

Uilyam Bredli Pitt (1963-yil 18-dekabrda tugʻilgan) — amerikalik aktyor va prodyuser. Oʻttiz yildan ortiq davom etgan kinochilik faoliyati davomida u ikki karra "Oskar", ikki karra BAFTA, ikki karra "Oltin globus", ikki karra "Emmy" va Volpi kubogi kabi koʻplab nufuzli mukofotlarga sazovor boʻlgan. U bosh rolni ijro etgan filmlar dunyo boʻylab 7,5 milliard dollardan ortiq daromad keltirgan. Pitt ilk bor Ridli Skottning "Thelma & Louise" (1991) road-mouvisida avtostopda yuruvchi kovboy roli bilan eʼtiborga tushgan. Shundan soʻng u "A River Runs Through It" (1992), "Legends of the Fall" (1994), "Interview with the Vampire" (1994), "Seven" (1995), kult maqomidagi "Fight Club" (1999) hamda "Snatch" (2000) kabi filmlardagi rollari bilan yulduzga aylandi. Stiven Soderbergning "Ocean's" trilogiyasi (2001–2007), "Troy" (2004), "Mr. & Mrs. Smith" (2005), "World War Z" (2013), "Bullet Train" (2022) va "F1" (2025) kabi blockbusterdagi rollari uning Hollywood yulduzi maqomini mustahkamladi. Pitt "12 Monkeys" (1995), "The Curious Case of Benjamin Button" (2008) hamda "Moneyball" (2011) filmlaridagi ijrosi uchun "Oskar" mukofotiga nomzod boʻlgan. Kventin Tarantino'ning "Once Upon a Time in Hollywood" (2019) filmidagi kaskadyor roli uchun esa "Eng yaxshi ikkinchi plandagi aktyor" nominatsiyasida "Oskar" mukofotini qoʻlga kiritgan. Shuningdek, u "Babel" (2006), "The Assassination of Jesse James by the Coward Robert Ford" (2007) va "Burn After Reading" kabi eʼtirof etilgan kinolar ham suratga tushgan.