Bobby Vinton

Stanley Robert Vinton (1935-yil 16-aprel) — amerikalik estrada xonandasi. 16 yoshida o‘zining ilk musiqiy guruhini tuzib, Pittsburg atrofidagi klublarda chiqish qila boshlagan. Topgan pullari evaziga Dyukeyn universitetida musiqiy kompozitsiya yo‘nalishida tahsil olgan. Universitetda o‘qish davrida pianino, klarnet, saksafon, truba, baraban va goboy kabi barcha cholg‘u asboblarini mukammal o‘zlashtirgan. AQSH armiyasidagi qisqa xizmatdan so‘ng, 1960-yilda Epic Records bilan shartnoma imzolab, "A Young Man With a Big Band" nomi ostida ijod qila boshlagan. Dastlabki ikki albomi va bir nechta singli muvaffaqiyatsizlikka uchragach, studiya u bilan xayrlashishga tayyor turgan paytda Vinton o‘zining ilk xit qo‘shig‘i – "Roses Are Red (My Love)"ni topadi. Qo‘shiq Billboard Hot 100 chartida to‘rt hafta davomida birinchi o‘rinda turdi. Uning eng mashhur asari 1963-yilgi "Blue Velvet" hisoblanadi. 23 yil o‘tib, Devid Linch o‘zining "Blue Velvet" filmini shu qo‘shiq sharafiga nomlagan. 1964-yilda Vinton "There! I've Said It Again" va "Mr. Lonely" qo‘shiqlari bilan yana birinchi o‘rinni egalladi; ikkinchisi keyinchalik Akonning "Lonely" xiti uchun asos bo‘lib xizmat qilgan.