Bob Dylan

Bob Dylan (asl ismi Robert Allen Zimmerman, 1941-yil 24-may) — amerikalik qo‘shiqchi, shoir va rassom. Besh o‘n yillik davomida musiqa olamining eng nufuzli namoyandalaridan biri bo‘lib kelmoqda. U 1960-yillarda ijtimoiy to‘lqinlarning o‘ziga xos salnamachisi sifatida tanilgan. «Like a Rolling Stone», «Blowin' in the Wind» hamda «The Times They Are a-Changin'» kabi qo‘shiqlari AQSh fuqarolik huquqlari va urushga qarshi harakatlar uchun madhiyaga aylangan. Dylan folk, blyuz, kantri, rok-n-roll kabi ko‘plab musiqiy janrlarni uyg‘unlashtirib, ijodiy dunyoni boyitgan va 80-yillardan buyon uzluksiz davom etayotgan «Never Ending Tour» konsertlari bilan tanilgan.