Billie Eilish

Billie Eilish Pirate Baird O'Connell (18-dekabr 2001-yil) — amerikalik qo'shiqchi va qo'shiqnavis. 2015-yilda akasi Finneas O'Connell yozgan va prodyuserlik qilgan "Ocean Eyes" singli bilan omma e'tiborini qozongan. 2017-yilda chiqarilgan "Don't Smile at Me" debyut mini-albomi AQSh, Buyuk Britaniya, Kanada va Avstraliya kabi mamlakatlarda yuqori o'rinlarni egalladi. Uning "When We All Fall Asleep, Where Do We Go?" (2019) studiyaviy albomi Billboard 200 va UK Albums Chart’da yetakchilik qildi. "Bad Guy" qo'shig'i 21-asrda tug'ilgan artistlar ichida AQSh Billboard Hot 100 reytingida birinchi o'rinni egallagan va RIAA tomonidan "olmos" maqomiga erishgan ilk hit bo'ldi. 2022-yilda James Bond filmi uchun kuylagan "No Time to Die" qo'shig'i uchun Oscar mukofotini oldi. Ikkinchi albomi "Happier Than Ever" (2021) 25 mamlakat chartlarida birinchi o'rinni oldi. Shuningdek, "Barbie" (2023) filmi uchun yozilgan "What Was I Made For?" qo'shig'i unga ikkinchi Oscar mukofotini taqdim etdi.