Bill Maher

William 'Bill' Maher, Jr. — amerikalik stendapchi, teleboshlovchi, siyosiy sharhlovchi, yozuvchi va aktyor. HBO telekanalidagi Real Time with Bill Maher ko‘rsatuvi muallifi. Bundan avval Politically Incorrect tok-shousini olib borgan. U o‘zining siyosiy satira va ijtimoiy-siyosiy sharhlari bilan tanilgan. Marixuana va bir jinsli nikohlarni qonuniylashtirish tarafdori, shuningdek, PETA tashkiloti boshqaruv kengashi a’zosi hisoblanadi. Dinni tanqid qilishi bilan ham mashhur. Comedy Central telekanalining barcha davrlarning eng yaxshi 100 stendapchilari ro‘yxatida 38-o‘rinni egallaydi. 2010-yil 14-sentyabrda „Gollivud shon-shuhrat xiyoboni“da yulduzga ega bo‘lgan.