Bilge Olgaç

Bilge Olgaç 1940-yil 10-yanvarda Qirliareli shahrining Vize tumanida tug‘ilgan. Nişantaşı qizlar instituti oxirgi bosqichida o‘qib yurganida sobiq prodyuserlik nazoratchisi Vecdi Benderga turmushga chiqib, o‘qishni tashlab yuboradi. 1962-yilda turmush o‘rtog‘i uning «Kismetin En Güzeli» nomli hikoyasini Memduh Ünga olib boradi va Memduh Ün uni film yaratish bilan birga o‘ziga yordamchi qilib ishga oladi. Ustozining ko‘magida ssenariy yozish va montaj texnikasini o‘rganadi. Shuningdek, u mashhur rejissyorning bosh yordamchisi bo‘lgan. Bilge Olgaç kinodagi faoliyatini 1962-yilda Memduh Ünning «Kismetin En Güzeli» filmida rejissyor yordamchisi sifatida boshlagan. Shuningdek, u Ilhan Engin, Halit Refig va Hasan Kazankaya kabi rejissyorlar bilan ham ishlagan. 1965-yilda u o‘zining rejissyorlikdagi debyuti — «Üçünüzü de Mihlarim» filmini suratga oladi va o‘sha davrdagi yagona ayol rejissyorga aylanadi. 1970-yilda Demir Karahan, Fatma Karanfil, Süheyl Egriboz va Ali Sen bosh rollarni ijro etgan «Linc» filmiga rejissyorlik qiladi. Ushbu film unga ko‘plab mukofotlar olib keladi. 1975-yildan boshlab tijorat filmlarini suratga ola boshlaydi. 1984-yilda Perihan Savaş, Mesut Engin, Halil Ergün, Aliye Rona, Seden Kızıltunç va İsmet Ay ishtirok etgan «Qoshiq dushmani» (Spoon Enemy) filmi bilan kinoga qaytadi va bu film ham unga ko‘plab mukofotlar keltiradi. Bilge Olgaçning keyingi ijod yo‘nalishi ham aniq belgilandi. «Gülüsan», «Gömlek» va «Umut Hep Vardi» kabi filmlarida asosan xotin-qizlar duch keladigan muammolar yoritildi. Uning kartinalarida asosan katta shaharlardan uzoqdagi qishloq va tumanlar hayoti aks etardi.