Ben Aldridge

Benjamin Aldridge (1985-yil 12-noyabrda tug'ilgan) — Angliyaning Devon shahrida tug'ilgan aktyor. Milliy yoshlar teatrida ko'p yillik faoliyatidan so'ng London musiqa va dramatik san'at akademiyasini tamomlagan. Televideniyedagi ilk ishini Ray Winstone va Parminder Nagra bilan birga "Compulsion" loyihasida boshlagan. 2008-yilda "Channel 4" kanalining "The Devil's Whore" tarixiy dramasida Garri Fenshou roli bilan tanilgan. "Screen International" nashri uni 2008-yilning "Ertangi kun yulduzlari" qatoriga kiritgan. U "First Light", "Lewis", "Toast", "Vera" kabi loyihalarda suratga tushgan hamda BBCning "Lark Rise to Candleford" serialida Daniel Perish rolini ijro etgan. 2011-yilda The CW telekanalining "Heavenly" loyihasida bosh rolni ijro etgan. Keyinchalik Belgradda rejissyor Ivana Bobicning "In the night" romantik filmida suratga tushgan. 2014-yildan beri BBCning "Our Girl" dramasida kapitan Charlz Jeyms rolini ijro etadi. Shuningdek, u "In the Corner Productions" kompaniyasi asoschilaridan biri.