Bella Ramsey

Isabella May Ramsey (2003-yil sentabrda tugʻilgan) — ingliz aktyori. U HBO kanalining "Game of Thrones" (2016–2019) fantastik serialidagi yosh zodagon qiz Lyanna Mormont hamda HBOʼning apokalipsisdan keyingi davrni aks ettiruvchi "The Last of Us" (2023–hozirgacha) dramatik serialidagi Elli rollari bilan tanilgan va soʻnggi roli uchun Primetime Emmy hamda "Oltin globus" mukofotlari nomzodiga aylangan. Ramsey 2017-yilda CBBC telekanalining "The Worst Witch" serialida Mildred Hubble rolini oʻynagan, Netflixʼning "Hilda" (2018–2023) animatsion serialida bosh qahramonga ovoz bergan va 2022-yilda suratga olingan "Catherine Called Birdy" tarixiy komediya filmida bosh rolni ijro etgan. Ushbu roli uchun u Critics' Choice Movie Awardʼning "Eng yaxshi yosh aktyor" mukofotiga nomzod boʻlgan.