Bear Grylls

Edward Michael "Bear" Grylls (1974-yil, 7-iyun) — britaniyalik sayyoh, yozuvchi va teleboshlovchi. U butun dunyoga "Man vs. Wild" (2006–2011) ko‘rsatuvi orqali tanilgan. Shuningdek, Buyuk Britaniya va AQShda tabiatda omon qolish bo‘yicha bir qancha loyihalarda ishtirok etgan. 2009-yilda 35 yoshida Buyuk Britaniya tarixidagi eng yosh "Chief Scout" etib tayinlangan. Shimoliy Irlandiyaning Donaghadee shahrida tug‘ilgan. Siyosatchi Ser Maykl Grills va Ledi Sara Grillsning o‘g‘li. Ludgrove maktabi va Eton kollejida tahsil olgan, London universiteti (Birkbeck) bitiruvchisi. Yoshligidan alpinizm va yelkanli sport bilan shug‘ullangan, Shotokan karate bo‘yicha qora kamar sohibi.